Cysylltiadau lles a chymorth i ddioddefwyr
Mae lles dioddefwyr a’u teuluoedd yn flaenoriaeth i’r ymchwiliad hwn. Mae’n bwysig y gallwn ddod o hyd i’r gefnogaeth orau ar eich cyfer.
Sefydliadau cymorth
Mae’r sefydliadau hyn yn cefnogi’r rheini yr effeithiwyd arnynt gan y sgandal:
Elusen gofrestredig yw Horizon Scandal Fund sy’n talu grantiau i’r rheini sydd mewn angen o ganlyniad i’r sgandal. Gellir defnyddio grantiau ar gyfer pethau megis:
- cwnsela
- therapi
- cyfnodau seibiant
- costau cyfreithiol
- talu am rent, bwyd, gwresogi ac offer meddygol
Mae Horizon Scandal Fund yn annibynnol ar Swyddfa’r Post neu unrhyw asiantaeth arall y llywodraeth. Mae pob cais yn gyfrinachol.
Ymchwiliad TG Horizon Swyddfa'r Post (POHITI)
Mae POHITI yn cynnig cefnogaeth iechyd a lles am ddim trwy ei bartner lles PAM Wellness. Mae llinell gymorth ar gael 24 awr y dydd, saith diwrnod yr wythnos.
Ffôn: 0800 098 3790 (rhadffôn)
Elusen a sefydlwyd gan oedolion sy’n blant i gyn is-bostfeistri yr effeithiwyd arnynt gan sgandal Horizon Swyddfa’r Post yw Lost Chances. Ei nod yw cefnogi pobl eraill sydd mewn sefyllfa debyg. Mae’n darparu grantiau addysgol, cymorth iechyd meddwl, hyfforddiant creadigol, a datblygiad gyrfa.
Cymorth pellach
Dod o hyd i fwy o sefydliadau cymorth i ddioddefwyr a thystion