999 Data perfformiad ar gyfer Heddlu Gogledd Swydd Efrog

Mae'r tudalen hwn yn dangos data ar amserau ateb galwadau 999, ar gyfer yr heddlu rydych chi wedi'i ddewis ac o'i gymharu â heddluoedd eraill Cymru, Lloegr, Gogledd Iwerddon a'r Alban.

Amser ateb galwadau yw'r amser mae’n ei gymryd i drosglwyddo galwad o BT i’r heddlu, a'r amser mae’r heddlu hwnnw yn ei gymryd i ateb yr alwad.

Nid yw pob galwad 999 yn cael ei chysylltu gan BT i weithiwr trin galwadau’r heddlu. Os nad yw’r galwr mewn trallod ac nad yw’n gwrthwynebu cael ei adael mewn ciw, bydd gweithredwr BT yn gosod yr alwad ar y system heddlu berthnasol i aros i gael ei hateb. Ni all BT fesur pryd y bydd y galwadau’n cael eu hateb gan yr heddlu perthnasol ac nid yw galwadau o’r fath wedi’u cynnwys yn y tablau hyn. Mae’r niferoedd yn amrywio fesul heddlu ond yn cynrychioli 4% i 7% o’r holl alwadau a dderbynnir.

Mae amgylchiadau eraill hefyd lle na ellir cynnwys galwadau 999 yn y ffigurau hyn: galwadau sy’n cael eu cysylltu i wasanaeth brys arall yn gyntaf a galwadau sy’n cael eu canslo tra’n aros mewn ciw. Mae’r data a gyhoeddir yn cynrychioli’n gywir ymatebolrwydd yr heddlu i bobl mewn sefyllfaoedd brys ac rydym yn parhau i weithio gyda BT i ehangu ar y data 999 a gyhoeddir gennym.

Nod heddluoedd Cymru, Lloegr a Gogledd Iwerddon yw ateb 90% o’r galwadau 999 o fewn deg eiliad.

Metrig perfformiad Heddlu'r Alban yw sicrhau amser ateb cymedrig (sef cyfanswm yr amser aros wedi'i rannu â chyfanswm nifer y galwadau 999) o lai na deg eiliad.

Mae pob heddlu bob amser yn ceisio darparu gwasanaeth gwell i'w gymuned ac mae amserau ateb 999 yn un rhan o'r gwasanaeth hwnnw.

Mae nifer o bethau sy'n effeithio ar nifer y galwadau 999 ac amserau ateb, er enghraifft digwyddiadau cyhoeddus neu adegau o'r flwyddyn pan fydd y boblogaeth o fewn awdurdodaeth heddlu yn cynyddu gyda thwristiaid.

Dim ond pan fydd trosedd ar ei hanner neu fygythiad i fywyd y dylid defnyddio 999.

Dysgwch ragor am y ffordd gywir i gysylltu â ni.

Lawrlwytho'r ffeil ddata (.csv)