Datganiad o Effaith ar gyfer Busnesau

Os yw’ch busnes chi wedi dioddef trosedd a'ch bod wedi dweud wrth yr heddlu, gallwch wneud Datganiad Effaith ar gyfer Busnes (ISB).

Drwy wneud ISB, gallwch ddisgrifio sut mae'r drosedd wedi effeithio ar y busnes. Gall enghreifftiau gynnwys:

• colli arian
• dwyn nwyddau
• difrod i eiddo
• colli cwsmeriaid

Gall y llys ddefnyddio'r ISB wrth benderfynu ar ddedfryd i'r troseddwr.

Pwy sy'n cael gwneud ISB

Mae unrhyw fusnes neu fenter (gan gynnwys elusennau) yn cael gwneud ISB.

Dim ond un person o'r busnes ddylai wneud y datganiad. Fel arfer, y cyfarwyddwr, y rheolwr neu'r perchennog fydd hynny. Does dim rhaid i'r person hwn fod yn dyst i'r drosedd, ond efallai y bydd angen iddyn nhw roi tystiolaeth yn y llys.

Pryd i wneud ISB

Cewch wneud ISB wrth roi datganiad tyst i'r heddlu. Neu gallwch wneud yn nes ymlaen drwy ddefnyddio’n ffurflen lawrlwytho.

Bydd angen ichi gyflwyno'r ISB cyn i unrhyw wrandawiad llys ddechrau, neu byddwch yn colli'r cyfle i wneud un.

Gwneud ISB

Lawrlwytho a llenwi’n ffurflen.

Byddwn yn gofyn ichi roi:

• manylion am sut yr effeithiodd y drosedd ar y busnes
• enw'r swyddog heddlu sy'n eich helpu
• rhif trosedd

Ar ôl i chi lenwi’r ffurflen, anfonwch hi drwy’r ebost neu ei phostio at eich cyswllt yn yr heddlu.