Beth i’w riportio
Riportio troseddau a digwyddiadau
Beth yw trosedd?
Gweithred fwriadol sy’n achosi niwed corfforol neu seicolegol, difrod i eiddo neu golli eiddo, ac sy’n groes i’r gyfraith yw trosedd.
Mae nifer o fathau gwahanol o droseddau a bydd bron pawb yn cael profiad o drosedd ar ryw adeg yn ystod eu bywyd. Mae’n effeithio ar bobl o bob cefndir, mewn amrywiaeth o leoliadau ac o bob oed.
Os ydych chi’n teimlo yr effeithiwyd arnoch gan drosedd mewn unrhyw fodd cysylltwch â ni, hyd yn oed os nad ydych yn siŵr a oedd y digwyddiad yn drosedd.
Ewch i www.victimsupport.org.uk/crime-info/what-crime er mwyn:
- dysgu mwy am y gwahanol fathau o droseddau a’r cymorth sydd ar gael
- darllen hanesion rhai o’r bobl sydd wedi derbyn cymorth
Mathau o droseddau
Dosbarthir data troseddau yn fathau ‘mawr’ a ‘mân’. Isod gallwch weld y mathau o droseddau mawr a mân a beth maent yn ei gynnwys.
Byrgleriaeth yw dwyn, neu ymgais i ddwyn, o eiddo lle nad yw mynediad wedi’i awdurdodi.
Bydd difrod i eiddo, sydd fel petai wedi ei achosi gan berson yn ceisio cyflawni byrgleriaeth, hefyd yn cael ei gyfrif fel byrgleriaeth.
Gwahaniaethir rhwng byrgleriaeth preswyl a masnachol yn seiliedig ar swyddogaeth yr adeilad.
Mae mathau mân yn cynnwys:
- Byrgleriaeth mewn anheddiad
- Byrgleriaeth mewn adeiladau eraill
Pan fo eiddo’n cael ei ddinistrio neu ei ddifrodi’n fwriadol, nid o reidrwydd er mwyn cael mynediad i eiddo neu gerbyd.
Mae mathau mân yn cynnwys:
- Difrod troseddol i anheddiad
- Difrod troseddol i gerbyd modur
- Difrod troseddol i adeilad arall
- Difrod troseddol arall
Meddiant, defnydd, cyflenwi neu’r bwriad i gyflenwi cyffuriau anghyfreithlon.
Mae mathau mân yn cynnwys:
- Masnachu cyffuriau
- Bod ym meddiant cyffuriau
- Cyffuriau eraill
Dichell fwriadol yn y rhan fwyaf o achosion er mwyn elwa’n ariannol yw twyll; ffugiad yw’r weithred o greu copi unfath o wrthrych gyda’r bwriad o ddichell.
Mae mathau mân yn cynnwys:
- Twyll a ffugiad arall
Mae hwn yn gategori eang sy’n cynnwys troseddau sy’n hysbysadwy i’r Swyddfa Gartref.
Mae mathau mân yn cynnwys:
- Rhodio â chyfarpar
- Troseddau hysbysadwy eraill
Dwyn gan ddefnyddio grym neu fygwth grym. Mae lladrad personol a masnachol yn y categori hwn. Nid yw dwyn drwy gipio wedi’i gynnwys.
Mae mathau mân yn cynnwys:
- Eiddo busnes
- Eiddo personol
Categori eang o droseddau rhywiol, yn cynnwys Ymosodiad Anweddus a Cyfathrach Rywiol Anghyfreithlon (dan oed.
Mae mathau eraill yn cynnwys:
- Rhywiol arall
- Trais rhywiol
Dwyn oddi wrth berson, dwyn cerbyd modur, beic, dwyn o eiddo preswyl neu dibreswyl a mwy. Yn ogystal â storio, cludo neu geisio ailwerthu eiddo yn dilyn lladrad.
Mae mathau mân yn cynnwys:
- Trin nwyddau wedi’u dwyn
- Ymyrryd â cherbyd modur
- Dwyn arall
- Dwyn o gerbyd modur
- Dwyn o siop
- Dwyn oddi wrth berson
- Dwyn/cymryd cerbyd modur
- Dwyn/cymryd beic pedal
Mae’n cynnwys ystod o droseddau yn amrywio o fân droseddau megis aflonyddu ac ymosodiad cyffredin, i droseddau difrifol megis llofruddiaeth, gwir niwed corfforol a niwed corfforol difrifol.
Mae mathau mân yn cynnwys:
- Ymosodiad gydag anaf
- Ymosodiad cyffredin
- Aflonyddu
- Arf ymosodol
- Trais arall
- Anafu/ niwed corfforol difrifol
Mae hwn yn gategori eang o fathau sydd heb eu cynnwys mewn categorïau eraill. Maent yn amrywio o droseddau cysylltiedig ag arfau i droseddau casineb a lladrad.
Mae mathau mân yn cynnwys:
- Trosedd gynnau
- Troseddau cerbyd modur
- Trosedd domestig
- Trosedd hiliol neu gasineb crefyddol
- Trosedd homoffobig
- Trosedd gwrthsemitaidd
- Trosedd islamoffobig
- Trais mwyaf difrifol
- Ymddygiad gwrthgymdeithasol
- MOPAC 7
- Lladrata ffôn symudol
- Trais gydag anaf
- LBW discharges
- Trosedd cyllyll
- Dioddefwyr Anafiadau â Chyllell (KIV)
Pethau eraill y gallwch eu riportio
Diffinnir ymddygiad gwrthgymdeithasol fel rhywun sy’n ymddwyn mewn modd sy’n achosi neu’n debygol o achosi aflonyddwch, gofid neu drallod i un neu fwy o bobl sydd ddim yn byw yn yr un cartref â’r un sy’n ymddwyn felly.
Mae gwahanol ffyrdd i riportio ymddygiad gwrthgymdeithasol yn seiliedig ar natur yr ymddygiad.
Beth i’w riportio i’ch tîm plismona lleol:
- os yw’r ymddygiad gwrthgymdeithasol yn effeithio ar ansawdd eich bywyd neu’n gwneud i chi ofni am eich diogelwch eich hun neu ddiogelwch pobl eraill
Sut i riportio i’ch tîm plismona lleol:
- ffoniwch 101
- dewch o hyd i fanylion eich tîm lleol drwy chwilio amdano o dan adran eich ardal a chysylltu ag ef yn uniongyrchol
- dewch o hyd i’ch heddlu lleol a mynd i’w wefan i weld a oes ganddo wasanaeth riportio ar-lein
Beth i’w riportio i’ch landlord:
- os ydych chi a’ch cymdogion yn cael problemau yn eich eiddo neu adeilad ac yn denantiaid landlord cymdeithasol [y cyngor neu gymdeithas tai] gallwch riportio’r mater i’r landlord
Beth i’w riportio i’r cyngor:
- gellir riportio materion yn ymwneud â sŵn i’ch cyngor lleol
Gallwch riportio twyll i Report Fraud unrhyw adeg o’r dydd neu nos gan ddefnyddio ei offeryn riportio twyll ar-lein neu drwy ffonio 0300 123 2040.
Ffoniwch y Llinell Gymorth Gwrthderfysgaeth ar 0800 789 321.
Neu riportiwch eich pryderon ar-lein. Rheolir yr offeryn riportio Llinell Gymorth Gwrthderfysgaeth gan Heddlu’r Met.