Troseddau gwledig a bywyd gwyllt
Mathau o droseddau gwledig
Mae troseddau gwledig yn dueddol o berthyn i un o bedwar categori:
- amaethyddiaeth
- ceffylau
- bywyd gwyllt
- treftadaeth
Gall hefyd fod yn drosedd amgylchedd, sy’n cwmpasu dympio gwastraff anghyfreithlon, tipio anghyfreithlon, llygru cyrsiau dŵr a thir.
Amaethyddiaeth
Mae troseddau amaethyddol yn cynnwys ffermydd gweithredol, peiriannau fferm ac adeiladau fferm a thyddynnod. Mae troseddau’n cynnwys dwyn offer neu danwydd, niweidio eiddo a phoeni da byw.
Ceffylau
Mae troseddau ceffylau yn cynnwys stablau sy’n weithredol a chanolfannau ceffylau, ac yn cynnwys troseddau fel dwyn cyfarpar a phoeni da byw.
Bywyd gwyllt
Mae troseddau bywyd gwyllt yn cynnwys hela sgwarnogod, potsio ac ymyrryd â rhywogaethau gwarchodedig.
Treftadaeth
Mae troseddau treftadaeth yn cael eu disgrifio fel ‘unrhyw drosedd sy’n niweidio gwerth asedau treftadaeth Prydain a’u safleoedd ar gyfer y genhedlaeth bresennol a chenedlaethau’r dyfodol’.
Gall hynny gynnwys troseddau fel dwyn plwm o eglwysi, difrod i henebion a chwilio am fetel yn anghyfreithlon.
Darganfyddwch i ba heddlu y mae angen i chi riportio troseddau gwledig
Troseddau bywyd gwyllt
Mae troseddau bywyd gwyllt yn cynnwys:
- potsio
- hela
- troseddau yn erbyn moch daear ac ystlumod
- troseddau yn erbyn adar
- dwyn a chasglu wyau
- casglu neu fasnachu mewn rhywogaethau gwarchodedig a chynnyrch anifeiliaid
- peidio â chofrestru anifeiliaid sydd angen trwydded ar eu cyfer
- cymryd planhigion gwarchodedig
- defnyddio gwenwyn, maglau neu ffrwydron i ladd neu anafu anifeiliaid
- creulondeb i anifeiliaid
- hela gyda chŵn
- cyflwyno rhywogaethau ymosodol
- lladd neu ddal, niweidio neu ddinistrio cynefin unrhyw anifail gwarchodedig
- pysgota anghyfreithlon
Darganfyddwch i ba heddlu y mae angen i chi riportio troseddau bywyd gwyllt